眾新聞 Logo
眾新聞 CitizenNews
眾說

香港中環隨時乜輪都冇,得塊爛地獻世?


 

撐久硬廿歲出嚟打工第一份工作就係參加政府公標案,但凡政府公標案的第二次招標開始永遠有兩個潛規則:

一)質素比上次更好,絕對不能比上次更差,起碼一樣
二)比上次便宜

咁個主事的官大人就立於不敗之地,任何時候上電視都可以眼都唔眨話佢絕對無錯,有錯就是前任廠商爛尾或候任廠商無能力履約。講白話:唔係上手失德就係下手失信,他自己絕對沒有失職。

香港摩天輪事件,好明顯個官就立於如此不敗之地。所以話,幾時做官都著數晒。

中環摩天輪。照片來源:google map

咁你睇真D,你到底知唔知摩天輪是什麼一回事呢?它直徑五十公尺以上,連基地台,離地約六十公尺,以一層樓三公尺算,最高點最少二十樓咁高。個摩天輪以平均分布42個車廂,每個車廂可裝8人,如果坐滿總數336條人命。一個大吉利是仆街,摩天輪甩碌跌落地,最高傷亡人數跟空難差唔多。

建造一個摩天輪,除材料結構建造還加上風力及各種環境及技術風險評估,最少要一年完成。建造要花一兩億真金白銀,拆卸也必要花一千幾百萬仲要搵其他地方接收。前面個廠商睇死你唔夠時間做個新的,一定要同佢買,後面個廠商睇死你前面嗰個唔想花錢拆走,只可以焗住擺低俾佢執現成便宜,結果一個寧死不吃虧一個拚命佔便宜,歐陽兄弟遇著官字兩個口吃人不吐骨的李大咀,三個惡人搞爛尾,香港中環隨時搞到乜輪都冇,得塊爛地獻世。

希望我估錯。祝福。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe