唔好諗住抵達難民營就安全，班難民其實只係到咗一個點，條難民路係未完成。孟加拉嘅處理只係盡量接受新難民，安頓咗先，佢哋下一步何去何從真係好大疑問。
既然自己有呢個能力，有咩地方可以更好發揮到自己專業，我諗無國界醫生係其中一個地方。全世界都唔夠醫護人員，香港可能都唔夠，但香港仍然有一定數量護士，少一個唔係少好多，但當地（孟加拉）多一個護士係0變1，係值得去做。
41歲本港註冊護士趙卓邦，上月20日以「無國界醫生」救援人員身份，前往孟加拉科克斯巴扎爾區（Cox's Bazar District）的羅興亞難民營進行三星期救援任務，成為首名參與是次行動的香港醫護人員。
緬甸羅興亞武裝分子8月襲擊當地警察，緬甸當局其後報復，在若開邦展開軍事行動，逼走大批信奉伊斯蘭教的羅興亞人，超過50萬羅興亞人逃難至孟加拉，當地緊急醫療需求與日俱增。
趙卓邦由收到任務到正式出發，只有短短一星期預備。他到達首都達卡後，需再轉機至科克斯巴扎爾區，該區是最多羅興亞難民湧入的地區。任務頭兩星期，他負責在溫吉帕朗臨時營地（Unchiparang），協助新興建的診所，設立病人登記、分流及派藥系統等工作。要進入難民營殊不簡單，由當地住所出發，須先乘車約1小時，再徒步泥路半小時，才能抵達營地。趙卓邦表示，由於泥濘深至膝蓋，每次走路都需要穿水靴。
趙卓邦形容，營內整個山頭被密密麻麻的帳篷堆滿，是「營泊營」的狀態，加上適逢雨季，每一天都出現陣雨，導致營地經常水浸，亦有大量積水，衛生情況惡劣。為求繼續生存，一眾難民每天腳踏泥濘，到指定地方等待其他組織派發食物，又想盡辦法獲得食水。由於不少難民的帳篷位處山上，難以不斷下山領取較潔淨的食水，他們會挖井、在粘土之間取水，甚至直接從污染的水源中取水飲用。
除了營地環境惡劣，就連無國界醫生的診所，在趙卓邦等醫護人員到達時，亦未興建完畢，「因為今次係緊急任務，我哋唔會等診所做好先開始服務，係同步去做。一有場地，搭咗基本設施就會開始服務，當時係一邊診症，一邊做裝修。」在酷熱潮濕的孟加拉進行救援，趙卓邦一開始亦感到異常辛苦，「因為好熱，太熱啦！我哋全部人都溻濕哂，連我自己一個下晝都要飲2公升水，但慢慢就習慣。」
診症時間每天早上9時開始，到下午4時結束，為難民提供門診、產前產後服務，及精神健康護理服務，又提供止痛、退燒、抗生素等基本藥物。除了為病人打針、餵食，趙卓邦亦要負責處理藥物、轉介、分流等工作。
位處難民營的診所經常接受大量腹瀉，甚至嚴重脫水的個案。趙卓邦記得，有小孩由母親抱到診所時，已脫水至精神渙散，「正常BB精精靈靈，但佢嗰樣好散好累，已經唔能夠自己口服補充水分，只可以用靜脈注射。」除了醫治病人，趙卓邦亦要教導他們自行服藥，「當地人知識水平唔太高，尤其係難民。譬如我哋好簡單可以用文字寫，一日一次，每次三粒，但佢哋就算寫都唔識。我哋會係藥包上面畫圖，例如一粒（藥）一個圈，兩粒兩個圈，如果一日食兩次就畫兩棟，一日食三次就畫三棟。」
完成一天工作，回到住所後，一眾無國界醫生仍要繼續開會及整理文件，直至10時多才能休息。住所共有20人居住，6人同睡4張床褥。趙卓邦笑言，居住的環境非常不理想，「間屋唔係淨係攞嚟住，張枱俾人徵用咗做文件、accounting，我哋只可以係地下食飯、爬行。我完全冇位置休息，連一個簡單位置坐得舒服都冇，因為太多人，只可以匿埋係個角落。」、「頭一星期好累好累，我做完所有嘢，9點幾即瞓，咩都唔諗。」
來到任務最後一星期，趙卓邦在沙波伊爾德威普（Shah Porir Dwip）的難民上岸點工作，為剛登岸的5歲以下兒童作營養篩查。他記得，一名一歲左右的小孩，其上臂圓周只有84毫米，屬嚴重營養不良，「數字令我震驚。84毫米只係（等如）1至2隻手指。」
趙卓邦仍是護士學生時，已渴望加入無國界醫生，畢業後，他先在東區醫院急症室工作，都是搭橋鋪路，為加入無國界醫生做好準備，「本身興趣都係做急症，發現急症科好多嘢都係無國界醫生用到。」他表示，今次在當地診所採用的病人分流制度，亦有參考在香港急症室的經驗，「香港好有系統，分5級制，分得好準。嗰到（難民營内診所）分2級，危急同唔危急。原則係一樣，係叢林裡面揀最嚴重嘅病人出嚟先。」
在救援羅興亞難民前，趙卓邦已擁有不少救援經驗，包括2013年前往巴基斯坦俾路支省、靠近阿富汗邊境的傑曼，在當地公立醫院急症部門工作9個半月，亦曾在前年12月到也門薩達省一間醫院的急症室和住院部工作2個月。他表示，相比以往戰火激烈、死傷慘重的場面，孟加拉的難民營沒有太多生命垂死的個案，但認為每名的難民故事均令他感到難過。
好多時得媽媽同埋小朋友，多口問佢，你爸爸係邊，你丈夫係邊，大部分答案都係緬甸軍隊處理咗，逃難過程死咗。
趙卓邦希望，能將自己在孟加拉的所見所聞讓更多香港人知道。
