立法會議事規則委員會今日下午召開閉門會議，討論建制派議員就議事規則提出的修訂、行政長官出席答問大會等議程。期間，議事規則委員會委員、公民黨楊岳橋及郭榮鏗先後在Facebook直播，曝光會議內容數分鐘。
片段開始時，郭榮鏗及民主黨涂謹申正激動地批評委員會主席謝偉俊，指他突然打斷涂謹申就行政長官出席答問大會議程所提出的問題。郭榮鏗批評，涂謹申的問題並無完全解決，該議案便被謝偉俊強行撥入投票程序，亦沒有處理委員之一、會計界梁繼昌提出的問題，「呢個唔係開會嘅方法嚟㗎！主席！」
梁繼昌在郭榮鏗發言期間，亦一度插話，而謝偉俊再中斷梁繼昌的發言，表示會議進入下一個議程。涂謹申聽畢即時大喊「咩下一個議程呀？我可以繼續動議㗎嘛！」而謝偉俊以涂謹申的動議與剛才的決議有矛盾為由，不接受他繼續動議。涂謹申再激動質問「你頭先個決議根本係混亂裡面，都冇做到！」謝偉俊則以「係你自己混亂姐」回應。涂謹申繼續質問「你決議咗啲咩呀？」、「搞錯呀！」
郭榮鏗亦激動地說：「涂謹申議員係仍然討論緊CE Q&A（特首出席答問大會）嘅問題，你宜家唔想聽意見，就馬上話投票。你咩意思呀？點樣開會呀？」涂謹申再大聲批評謝偉俊「離譜過陳健波」，謝偉俊則回應「我知道大家玩緊咩遊戲。」惹來涂謹申激動大喊「呢個唔係遊戲。」此時影片直播結束。
片段一開始，謝偉俊正提醒議員，會議室內有直播，播放議員的發言。郭榮鏗此時再批評，謝偉俊阻止了涂謹申就特首出席答問大會提出的問題，以及梁繼昌就內務守則提出的問題。
委員之一的何君堯中途插話，提出規程問題，指主席如發覺有議員不斷提出無關的事宜，或冗贅煩厭地重提本身或其他議員的論點，可指示該議員不得繼續發言。謝偉俊則接納何君堯提出的內容。期間，「反對黑商作業」、「開放會議」的示威聲音一度傳進會議室內。
當謝偉俊表示進入下一個議程，郭榮鏗批評，謝偉俊主持會議的流程有問題，指他不應未處理好涂謹申及梁繼昌的問題，便進入下個議程。謝偉俊在郭榮鏗發言期間，數次要求郭榮鏗提出有甚麼規程問題，而涂謹申激動插話「佢咪講緊囉！咪講緊規程問題囉！主席！」謝偉俊以稍嚴厲的語氣重複「邊條規程問題！」郭榮鏗回應「你頭先主持會議嘅流程有問題，呢個就係規程問題。」謝偉俊又要求郭榮鏗停止發言，而郭榮鏗表示「我唔會停止發言，因為你冇處理好呢個問題，如果你唔處理好呢個問題，我地唔可以繼續咁樣開會，我唔會停止發言！」片段中，郭榮鏗的聲音變得高昂，說話期間亦一度咳嗽，更不時敲打桌子。
此時楊岳橋在旁插話，語氣冷靜地說：「主席，如果你嫌郭榮鏗議員講得多幾次，你唔想聽，咁不如等我講，我冇乜講多幾次，係咪？」謝偉俊則繼續問「係邊條規程（問題）呢？」楊岳橋指，問題牽涉謝偉俊處理會議的情況，謝偉俊則插話「對唔住啊，非常時期對付非常behavior。」當楊岳橋繼續追問，謝偉俊亦繼續說話，影片在一片聲音重疊下結束。
